ناجيت بانغـــام الوتر عذب الالحـان       
               وناديت وينــك ياغلا كل غالــي
وين العتــب واللوم واشواق خــلان        
               ما باقي الا صــورةٍ في خيالــي
في خاطري منها سنا طيف واشجان       
               وأطلال ذكرى ما محتها الليالي
منها نذير الشوق في بعض الأحيان           
               يلمس خفوقي كلما صرت سالي
ينــذر بسطــوه ما سطاها بوجــدان        
               صوابـها من بيـن عــوجٍ نحالـي
تحركت مع غافى الشوق الأحـزان           
               وعظيــم وجدٍ صابني منك تالـي
وداعٍ دعـاني يَـمـّـك وجيت ولهـان           
               وادورك باطراف ماضٍ مضالـي
عسـاك تسمعها على البعد نشــوان       
               تعــال جَـدّد شوفتـك والهوى لي