مــات العــزا فينـي على مــر الايــام        
               ومليــت من ســود الليالي سهرهـا
صارت حقايق عمــرنا مثل الاوهـــام       
               وانْشَـا سحـاب الوقت يمسح أثرهـا
اشوفهــا عقــب السعــادة والاحـــلام       
               أطــلال حــبٍ ما بقـا الا خــبـرهـا
وقفــت فيهــا وارســل الشــوف لـوام       
               هـذي بقايــاها وهــذي صــورهــا
صارت قصيدة ليل مع صوت الانغـام       
               ضـــاعت معانيهـا بعـد ماغـدرهـا
غَـنـَّـا بهـا الشــادي بصوتــه ولا نــام        
               رَدَّدْ حــلاوتــهــا وبيــن كـــدرهـا
يامـا طويــت بلـيـلــي احـــزان والآم       
               وياما غشا من دمـع عيني نظرهــا
ولا لقـيـت مــن الـعــزا نفــس عـزام        
               كل المعاني ضايعــة في بحـــرهـا