كِــريم يابرقٍ سـرى عَــزْ والـيـــك       
               الله مـــن قلــــبٍ جذبتـــه سـواتــــي
اعشق سهر ليلك وأراعي مَنَاشيـك       
               وأجمــع على لمعـات نورك شتاتــي
يفــز لــك قلبــي وعينـي تراعيـــك       
               وأشوف فيــك خــدود سيــد البنانـــي
مثلك سناه يحـرك القلــب تحريـــك       
               هو نور عينـي في الهوى هو شفاتــي
يامن على شوفك وحسك وطاريــك   
               القـــا بـذا الدنيا شِفــــاي وطَـراتـــي
مــاودي الا بَـسْ بالعيــــد اهنيـــك       
               ولمســـة يمينــك بالمعــايـــد مناتـــي
من بـِدْ خلق الله عشقت الهوى فيك   
               دنيـــاك لــي دنيــا وشوفــك غناتــي
أحـــب قربـــك يشهـد الله واغليــك       
               لقيـــت فـي قربــك بقـايـــا حيـاتـــي