ما بقــالي غير هَمِّي والرحيــل
               وشَـيْ من ذكرى زمانــك باقيه
اعذرينـــي ما بقـا صــبرٍ يشـيل
               صعب أحفــظ الود وانتي لاهيه
شفت نفسي في ظما دربٍ طويل
               والســـراب يلوح بـارضٍ خاليه
ما قويـت أمشي وانا مالي مقيل
               ولاقـــويت أحلم وعينــي واعيه
صارت الذكـرى عَـليْ همٍ ثقيل
               وصارت احـلامـي ورودٍ ذاويه
مابي أوهامٍ تضيعــني الــدليل
               ومابي أذكـر شَـيْ وانتي نـاسيه
لاتلــوميني جفـــا خلٍ خــليـل
               عاتـبي نفســك ونفســي راضيه
عاتبي نفسك على الحـظ القليل
               لو سمعتينــي وصــرتـي وافـيه