أمجــاد نبنيها على روس الاشهــاد
               وهــذي عــوايــدنا على مَــرْ الايـــام
وصــيــة اجـــدادٍ تنــاقـل للاحفـــاد
               ما نرخـص الـدار لهـوى كل من قـام
نسقي ثراها من دم عــروق الاجـساد
               ولا يـــدنســهــا عــــدوٍ بــالاقــــدام
حمــر النـواظــر دونها اليـوم بعتــاد
               ويا حلو موت العــز في ظل الاسلام
كم طامــعٍ فـينا لــه المـــوت ميعــاد
               ضاعت به الهقوة على درب الاوهام
دون الكـرامة نسقي الضــد الانكــاد
               بضرب المشوَّك لين يرخى لنا الهام
عـدوة ضحى ماهيب والنـاس هِجاد
               ماهيب غدر الجار في ليل واظـلام
ناخذ بثــارٍ صـار في دار الاجــواد
               جيرانا الـلــي ناشهـم غدر صـــدام
ما ننـثـني من صــوت حاقـد وحساد
               حنــا لنــــا رايٍ ينــــادي لــقـــدام
نــزيد بالفــزعة رصيــدٍ للامجـــاد
               وتلقى علمنــا شــامخٍ فوق الاعـلام
وعـــدٍ قطــعه الشيــخ للفعل ينقـاد
               ولا نـام جفــن الغــادر اليوم لا نـام