الا متى
الا متى يا أمـَّـــة العــرب ذا الحــال
والا متى نصبر على الضيم بسكات
والا متى نبـني على الغـيـــب الآمال
والا متى نبكي على أمجاد الأمـوات
والا متى كـــلٍ بـيمشـــي على فـــال
والا متى شمل العرب صاير شتـات
يا حيـــف يا نسل الصحابه والابطـال
يبكــي عليكــم كـل مجــدٍ لنــا فـات
بافعـــالكم هديتـــوا حصـــونٍ طـوال
وحطمتو أمجـاد العرب بالعــداوات
كــــلٍ يشــيـل بقلبـــه علـــومٍ ثقــــال
على قصيره صار للجـــار هقــوات
ما فيــكم اثنيــنٍ على قلــب رجــــال
وكلــن رفـع في تـايه الـراي رايات
يا شيــن وقـــتٍ غيــر الحـال بالمال
وتبــدلت فيــه المكـــارم بطمعــات
تنـــاهبوكــم كــل رِجْـــلي وخــيــال
واستضعفوكم وأفرحوا كل شَمَّــات
القدس ضاعت يوم راحــت للانــذال
من فعلكم يوم السياســه شعـــارات
تصرخ بكم وش عذركم وين الاهوال
وين العيـــال ووين تنـفيــذ الآيــات
وين العرب وين العــروبة والامثــال
تُـوحَّــدوا ما عــاد باقي حســافــات
| بصوت الشاعر |
| بصوت اخر |