يا شيــخ يا مِبـْعد عَـنـَـا مـوجـع الهم       
               لا قَـطَّعت روس السنـون الشفايا
ولاصـــارت الدنيــا كبـر فتحة السَمْ            
               وضاقت رحاب البيد هي والنوايا
وتغــلِّــقت كـل الــروابــع مـن الغم       
               ويـبـسـت من القـاله لـسان وثنايا
وتعبت متونٍ قــام يفـغــر لهـــا الفم       
               وتكـالبـت عـوج العلوم العصـايا
مواقـفــك شــمسٍ غشــت ليـلٍ أظلم       
               وتفــرقـت منـه الـديــاجي شـلايا
سلمـــان لو تلمـس على الجرح يلتم       
               ابو فـهـد وان عَــوّدَت لـلـنـخـايا
الحمــدالله .. حطــني لــك ولــد عم        
               هـذا الشــرف تـبـيـه كل البــرايا
ياشيخ نجد.. وستر نـوره.. لك انظم       
               منــي ســلام وفـيه كــل التــحـايا
مشـاعــري ما هــيـب يمــك تلـعثـم        
               اصدق من سيـوفٍ تجــيب المنايا
مـواقـفــك خــلــت لســـاني تــكــلم       
               والخافي أعظـم بين عوج الـحنايا
ومحــبتـك في كــل قلـــبٍ تعـــاظم       
               ياسيـــدي بصــدور كـل الرعــايا