ودِّي لحــالي جلســتي بعـض الاحيــان        
               أغيب ساعة في سما عذب الأوهـام
آخــذ مع الهوجــاس موعــد على شــان       
               انــزع عن الدنيـا بروحــي ولا أنام
اسبــح بمــوجٍ جايــل الطــرف نشــوان       
               بدنيــا الخيال ولا بها غيــر الاحلام
أطــوي بها عمــرٍ واجــدد بها أشجــان       
               وأجمـــع بها ذكـرى سنينـي والايام
وأذكــر بها فـرحٍ وأَرِجِّــع بها احـــزان       
               وأَنقِّــضْ جـروحٍ واداوي بها أسقام
واراجـع اللي فــات وش صار وش كان       
               وش بـاقيٍ ماجـا وش الغيــب قـدام
وآقـــف على ذكــرى لها القـلب ولهـان       
               اشوفهــا مـن بيـن الاحـداث وزحام
تِســلّلــت عنـدي مثـــل خيـــط دخـــان       
               وجتنــي مثل طيفٍ سرى ساقه هيام
وقّفـْـت فكــري عنــدها غصـب شفقـان       
               علـى مناجــا مــاضيٍ فــات مـا دام
راعيـــت بعيــونـي وناجــيــت بـلســان       
               وسمعــت صــوتٍ والحـزن فيه لوام
وقضـيت هــاك الليـل ما نمــت سهـران       
               واثره وهم .. ياحلوها بعض الأوهام