تَـنَـسِّـمـت مع طلعة الشمـس بالهون       
               هبـوب مـعها رعــشـةٍ في نسـمها
تعــلن بهــا ميـــلاد يـومٍ على الكون       
               شمسـه ظهـر قـدام عـيـني علـمها
وتنفـس الصـبح وتبــدل به اللـــــون       
               والليـل عَسعَـس والنجـوم وسهمها
يــومٍ جـديد وغــيب الأيــام مكــنون        
               افـراح واحـزان الحـيـاة بطعـمهـا
يـــومٍ تبـيـن وش لنـا فـيـه مــدفــون       
               وش جـاب ينـقل من عقـودٍ نظمها
صـياد غـفـله ومن الاحـداث مشحون       
               رفيـق درب وفـرصـته يـغـتـنـمها
بكـى له عـيــونٍ وضـحك له سـنون       
               وبـنـاله بـيـوتٍ والأخـرى هـدمـها
وفـرق مواليــفٍ من البعــد يشـكون       
               وجَمَّع له اقـلوبٍ عقب ما حرمـها
ونَزَّل حظوظٍ جات من دون في دون       
               ورفـع له احظـوظٍ بعـالي قمـمـها
ياما طوى من صفحة العمر مفــتون       
               في شــوف خلـق الله يِقطَّع وذمـها
يجذب حبال العمر والعمر مــرهون       
               والـدايـم الله كـــل قسـمـة قـسـمها