يـــالله بـنـوٍ مـن عــطـاك يــتــردم
               مع أول الـوسمي عــقب طـلعة سهيل
يـِـنْـشـي عليـنا وكلمـا أنشـا تـَـرزَّم
               وجــه النهــار بجــيتــه يـنــقلب لــيل
من كـثر ما ينـقـل غدا لونـه أظــلم
               مثل الجــبال الســود هِـدْفٍ مضـاليل
اخشــومه نصــوبٍ ومثـنـاته أعظم
               ما بـه نفـيض ولا بعـد حـَـطـْلـه شـيل
لا جــا مــرابع ديــرة الهيل والدم
               ينثـر حقــوقه ليــن يـذكر بها الســيل
تسـيــل شعبــــانٍ زِبَـــدْها تَـعـوّم
               وتسـقى فيــاضٍ لين يطفـح بها الكيل
هـاك الفيــاض مونســة كل مهتم
               مــرابع جــدودٍ عـلى ضُـمَّـر الخـيل
يامـا رتع فيـها مـن الريـم والادم
               ويــا ما نشر فيها من الخِلْف والحِيل
وياما قصـدنـاها بشـقـرٍ تَــصرَّم
               تبــري غليل مــدور الخرب بالحيل
عسـا تعـود أيــامـها والمـواسـم
               مــا تـنـقـطع يــالله جـيـلٍ بعد جـيـل