جَـــــاوزت حَـدِّي في الخيال وتعديت        
               ادور اللـي غـــايبٍ عــن زمـــاني
خذنـــي عن الدنيـــا للاحلام وأقفيــت       
               صــوتٍ ينادينــي من البعــد جـاني
حَنـّـيت واطلقت الهواجـيس واشفــيت       
               اسمـــع مناجــا غايــبٍ لي دعـاني
جيــته مــن الدنـيـــا بهـــمْ وتناهيـــت       
               وجانـي يسلينــي من الهـــم عانــي
فتحـــت قلبـــي يــوم نـادى وهَلـِّــيت       
               تعال شف عقبك وش اللي دهـــاني
يامــا تمــنيـتـــك بشــوق وتمــنــيــت       
               وياما سرحت وهاجسـي لك خـذاني
وياما هــقيــت بـجيــتك لـي ولاجـيت       
               وياما احتريتك لين صبري جفــاني
وياما جمــعت أوجــاع قلبـي وونيــت       
               وياما تعـديـــت الزمــان ومكـــاني
وأرجــع على وقتــي الا مــن تماديت       
               يردد اسمــك غصــب عني لسانـي