جيــت المنــازل هزني يمها الشـوق        
               وقلــبٍ تذكـَّـر عقــب ماهــوب ناسي
يســوقني لاطــلالها خافقــي ســوق       
               ماكنـي أمــشيـبه وعقلــــي بــراسي
وينبــض بخفقـات الوله كل معلـوق        
               فينــي ويطــوي كـــل الآمال ياسـي
سلام ياهــاك المكــان ولك حقــوق       
               وقفــة وفـــا يبــرد بـها كــل بـاسـي
يـاما وقفـنا فيــك واحـــلامنــا فـوق       
               ويـاما لـقينــا بــك ظـــلالٍ يــواسـي
ويـاما تنـاجـينا على كـــل طــاروق       
               وياما ضـحكنــا فيــك والوقت قاسي
ياحلو فيـك أيـــام مـــرت لهــا ذوق        
               كلــما اتذكــرها تحــرك احـسـاسي
وياحلو فيك الـقـا من الناس مخـلوق        
               لامــن ذكـــرته طـار عني نعــاسي
قرة عيوني عن هـوى كل معشــوق        
               هـاك الغــزال للي عن الغي راسي
وين الزمان اللي غدابه عن المــوق        
               وين انت ياشــوقي وربعي ونــاسي