جـيتـكم مـن نــجــد يـوم انّـي عَـنِـيــت   
                ديـــرة التوحيــد وبـــلاد الســلام
من مَـرابع صــادِح القمــري مشــيت     
                من فيــاضٍ نبتهــا ورد الخـــزام
جيتــكم من عِــزْ راســي لاعـتزيــت     
                من هل العوجــا رفيعيـن المقــام
لابتــي حمــر النـــواظــر لانتخـيـت       
                هم على الشــدة مِقَابيس الظــلام
شــاربٍ من حبــهم ليــن ارتــويــت   
                وحـب دارٍ مجـدها ذروة سنـــام
السعــــوديــة الا منـــي بــغــيـــت   
                احتمي عن وجه صَلفَات العَسَام
عَــزَّهــا الله باشــرف ترابٍ وبـيـت       
                القبــر فيها مع البيت الحـــرام
في كـنفهــا يـوم ضـمتـنـي لــقـيـت   
                جنـــة الدنيــا وعــزٍ ما يضــام
في جبــال طويــق وخشــومه ربيت     
                مَدْهَل السِرحان وفروخ القطـام
في ذرا اللي طبعهــم كان احتمـيت       
                الوفــا كل الوفــا نسل الامـــام
في حمــا الله ثم بحمـــاهم نـشــيـت   
                هـم بنـي عمــي وياقُــوّ الحزام