ياصَــبَـا نجــد ونسيــم الـلـيــل فيه
          نشـــوة العشـــاق في نفحــة هـواه
كم سهـرت بغـفلـة النـاس احتـريه
          ينقــل من الشــوق للغــالي وصـاه
وكم على الذكـرى ينــاديني واجيه
          جــايــبٍ لي ريــح من خلّــي خـذاه
يا حبـيـبٍ حـــرك اشـجــاني عليه
          هبـــةٍ من نجــد في تــالــي مســاه
عـــانـقـتـني كــنها ضــمة يــديـه
          وحالـم الذكــرى غشا فكري صداه
ورعـشة الــوجد بخفوقٍ ما نسيه
          تختـلـط في القلب مع خفـق الحيـاه
ياصـبـا نفـحة عبـيـر الشـوق ابيه
          كـل يــومٍ يكـبـــر بقـلـبــي غـــلاه
روّحــي يمـّــه بشــوقي علميــه
          واحضـنيه بهـون .. وهـاتيلي شذاه