في الطيـر والمقناص والصيد لي شَـفْ  
     وأنــا مــولَّــع بالـمـقــانيـص عَــشَّــاق
في خايــعٍ صَبْ المــطر فيــه وأرعـف     
     لين اكتسـت ريضـانه بخضــر الأوراق
قامــت بــروق المــزن فوقــه تكـاشـف
     تنـــثـر حَـقُـوق المَـا عقـب كــل بــراق
قَـفْـــرٍ مـن الـــدايــج ولا فيــه وقــــف
     راع الحــلال ولا بــعــد جــاه طَـــرَّاق
ما فـيه كـــود الصــيـد رف عـلـى رف    
     اجــوال زرقــان المعـــارف والاعـناق
لاشـــافها القنـــاص بالعــيـن يخـــتــف
     قــام يتســابــق يمـهـن هــو والاشــراق
ودور مشـــاريفٍ على الجــو واشـرف
     وخبـره بطـيــره ما بعــد قِــيـل عَــتَّــاق
يــوم اعتــــلاهن يـرفع الطيـر بالكــف    
    عطب المضارب في الهدد طير الاوفاق
قـــام يتــزين ثم صـفا الـوجه وانظــف    
     ثـم انطـلـق سبـقـه عـلى الجـول ينــساق
وأعلـــق بخــربٍ والحبــاري تــرادف
     في روضهن مـن خـوف فـراي الاشناق
سلمـــان ما مثله عــلى طيــر يوصــف    
    وافــي ولانـظـار الصـقـاقــيــر ســراق
اشـقــر غــواطي نايـف الطول وأهدف    
     والا نـطـحـتــه كـنـــه الشـــاش شــواق
عريـــض في صـدره طويـل الـنوايـف
     تمــلا يــدك فخــذه قصــيــرٍ مـع الساق
بيــن المـــواطي يـدخل الكــف مـاحف
     ســاقـه ولا حجـــلٍ علــق فيــه مســباق