من غيـر شَــرْ ونحتـريهم مَـنَــــاكيـف
           وعن غيــرهم كل الهواجيس عَفَّتْ
ياحيـــف يا بعـــض القصــايد وياحيـف
          لا جَـنّبَت روس المعــالــي تـــوفت
وان قلتــها فيــهم تجيــني علـى الكيــف
          تفتـــح غلــق بيبــان نفــسٍ تحـفت
أصــــدق من سيــوفٍ صـقيله مراهيـف
          تعلقــت نفـــسي بــهـم واســتخفت
سلطــــان لا من اللــيالي غــدن هـيـف
          وسلمـــان لا من المـــواريد جَفْت
فيهم هقــــاوي الخــلق ما هي سواليـف
           بعض الهقاوي فيهم إن جات كفت
لا صـكتــــك بقعــا بخيـــلٍ مواجـــيف
           وتجـمَّعت كــل البـــلاوي وصفت
وصار السهر مع جفــن عينك مواليف
          وضاعت معك كل الروابع وقفت
إزبــن عليهـــم بعد رب التـــصاريف
         تلقى ملــوك العـــز كَفَّــتْ ووفَّتْ
يا من غـــلاهم صار بقـــلوبنا ريف
          ويا من لهم نفس المشافيق شَفـَّت
هذي سنه مرت من الصيف للصيف
          وكل العيون بشوق قامــت تلفت
أقولها بلســـان حـــال الـــملاهيف
         اللي مشاعـــرهم لكـم ماتــخفت
لو شفت حال كبار وصغارهم كيف
         كان أهملت عينك بدمـعٍ ورَفـَّت