تجلّى بالحزم صبح ٍ تنفس يومه الموعــــود
         قشع وجه الظلام وعسعس الليل وتخاريفه
تنافس فيه هقوات الرجال وقبســة البـــارود
         على شان الوطن كلن يبي يظهر مواقيفــه
أواليدٍ تربوا فى كنف دين الله المشهـود
         يبيعون العمـــر لله بيعــة ربــح ومْخِيفـــه
تَغذّوا من حليب أم ٍ إلا من جالهــا مولـــود
         وِلكِنّه من الهيبه شجــــاع مشرع ٍ سيفـــــه
تحت راي البطل وابن البطل سلمان آل سعود
         ملك هذا الوطن تاجه ودرعه قايــده ريفــــه
نفض كل الغبار بفزعة الفزاع للمضهود
         نخوه اهل اليمن يدرون عن سطوة مواجيفه
نخوه بحق ياسلمان وينك ياوفي عهــود
         الا يا معتصم هالوقت يا فَزْعة ملاهيفـــه
تَنّهض للفعل من يوم جاته صيحة المنكود
         بحزم ٍ يرتعد قلب الشجاع ويختلف كيفـــه
سحاب ٍ يمطرالموت الحمربرق ٍ قِبَسْ ورعود
        ونَبته فوق الارض إن شفت جيفه تركب الجيفه
فلا نامت عيون اللي نقض عهد ٍ عليه شهود
        على جاره تحالف مـــع عدو ٍ ناوي الحيفـــــه
عساك بعز يا سلمـــان بإذن الواحد المعبود
        معك شعب ٍ كنوز الارض ماتسوى مطاريفه