فى خاطري كلمة لها صدري حجاب
      وفى ناظري طيفك وفى روحي القاك
وفى قلبي اشواقٍ وتوديع وعتاب
      وفى نفسي انسا غدر الايام وانســاك
وفى شوفتي لك فرحة قلوب الاحباب
      كــن السعـــادة كلهــا فـى محيــــاك
وفى قربك انسا ضَمَّتك بين الأهداب
      وانسـا غلاك وكلهــا مـن سوايــاك
ليتك معي ذكرى وطوَّلت بغياب
     وعن جيتك يكفينــي احيـا بذكراك
بنيت لك حلمٍ من الشوق جَذَّاب
      يومك بعيد ويـوم كنـــت أتمنــــاك
ان قلت احبك .. أصدق الحب كَذَّاب
      وان قلت ابي فرقاك .. ياكود فرقاك
تنازعتـنى فيــك مـع كـل الأبـواب
     رغبة بشوق .. ورهبةٍ من سجاياك